Friday 19 February 2016

Yn Scaa Harrish Innsmouth: Thie Ghilman

S’doillee dou cur ennym er yn ennaghtyn v’orrym rish y chooish ghroamagh shen. Cooish cheoie, cooish voght; arraghtagh, atçhimagh. Va skeeal y yilley groseyragh er my aarlaghey son lheid y taghyrt, agh ‘syn ‘eill hene v’eh boiragh anveaghee quaagh. She skeeal lhiannooagh v’ayn gyn ourys, agh va jeeanid as atçhim keoie shenn Zadok er chur anvea orrym. Nish v’eh geyraghey as covestey marish yn ‘eoh v’aym er-dyn toshiaght er y valley shoh as y scaa shaghnagh mollaghtagh er.

Veign creearey y skeeal reesht ny s’anmey, foddee, as feddyn aynsyn cree cochaslys shenndeeagh ennagh; cha baillym nish agh gyn smooinaghtyn er. V’eh çheet dy ve anmagh gaueagh —va’n ooreyder aym taishbyney 7:15, as va’n barroose cour Arkham faagail Kerrin y Valley ec hoght—myr shen ren mee eab dy reaghey my smooinaghtyn, shirrey aigney kiune as jeantagh. Hooill mee dy tappee trooid straiddyn follym, shaghey mullee scartey as thieyn tuittym, cour y thie oast raad va mee er dashtey y valeese, as raad yioin y barroose.

Monday 1 February 2016

Listening Project 2016

This year, I'm not doing Reading Project. Not because I don't have too many unread books (I do), but because I didn't succeed last year, and also because shelf space is currently less of an issue due to ebooks.

However...